2025 жылдың 3 қыркүйек күні нашақорлық пен есірткі бизнесінің алдын-алу және оған қарсы іс-қимыл жөніндегі жұмысты үйлестіру жөніндегі Жетісу облысының өңірлік ведомствоаралық штабының 3-ші отырысы өткізілді.  Штаб отырысына облыстың ведомствоаралық комиссия мүшелері, мемлекеттік органдардың басшылары, басқарма басшылары және аудан, қала әкімдерінің орынбасарлары  қатысты.       
          Отырыстың күн тәртібінде келесі сұрақтар қаралды: Нашақорлыққа және есірткі бизнесіне қарсы күрес жөніндегі ведомствоаралық штабтың 2025 жылдың ІІІ — тоқсанда (шілде-тамыз) атқарған жұмысын қорытындылау;   Алкаголь мен есірткіге тәуелділікті қалыптастыру мен дамытудың ықтимал тәуекелдерін анықтау тұрғысынан психологиялық диагностика шеңберінде өңірдің оқу орындарының оқушылар арасында жүргізілген жұмыстардың нәтижелері туралы;      
           Орталық және жергілікті атқарушы органдардың ресми сайттары мен әлеуметтік желілерінде есірткіні қолданудың, олардың заңсыз айналымына қатысудың салдары туралы жарияланымдарды тұрақты орналастыруды қамтамасыз ету мониторингі туралы;                                                         Аталған мәселелер бойынша мемлекеттік органдардың баяндамалары тыңдалып, нашақорлыққа қарсы шараларды күшейту, жастарды салауатты өмір салтына тарту және ақпараттық-түсіндіру жұмыстарын жандандыру бойынша нақты тапсырмалар беріліп, жоспарға сәйкес алдағы 4-ші тоқсанда атқарылатын жұмыстар жайлы нақты тапсырмалар берілді.