Көзге көрінбейтін, қолға ұсталмайтын бірақ шынайы күшіне енетін болса елді сілкіндіре алатын тылсым күш иесі ол – тіл. Әр ұлттың өзіндік ерекшелігін түр-тұлғасын, салт – дәстүрін, ұстанымын, наным – сенімін санаға сіңіріп ұрпақтан – ұрпаққа жалғастырпатын баға жетпес байлық саналатын қатынас құралы.

Сондықтан да, тіл – мемелекеттің тұғырлы тірегі, халықтың рухани байлығы, өткені мен болашағының айқын көрінісі. Ана тілінің қадір қасиетін біле – білген халқымыз оны ұлттық рухына қазына байлығына балайды. Себебі, тіл – халықтың жаны, сәні, тұтастай кескін — келбеті, ұлттық болмысы. Адамды мұратқа жеткізетін ана тілі мен ата – дәстүрі. Біздің осындай халықтық қасиетті мұрамыз, ана тіліміз – қазақ тілі.

Тіл – тәуелсіздіктің айғағы. Тіл мен егемендік егіз ұғым. Тілсіз тәуелсіздік, егемендіксіз тіл болмақ емес. Тілі жойылған ұлттың өзіде жойылады. Тіл – тәуелсіздіктің қуатты тірегі, бірлік пен ынтымақтың жығылмас туы. Қазақ елі тәуелсіз мемелекет болып орнағалы ширек ғасырға таяу уақыт болды. Осы уақыт ішіндегі көптеген еңбектер нәтжесінде мемелекеттік тіл – қазақ тілі болып жарияланды. Тіл үшін бар күш жігерімізді аямайц еңбек етуіміз ке­рек. Тәуелсіз Қазақстанның болашағы – біз. Яғни, қазақ жа­стары, демек, біздің міндетіміз қазақ тілінің мәртебесін асыру болмақ. Еліміз сан ғасырлар аңсаған тәуелсіздікке қол жеткізді. Тіліміздің түп тамы­рымен жойылып кетпегеніне шүкіршілік ете отырып, ежелгі бабаларымыздан сақталған ана тіліміздің мәртебесін өсіріп, кіршіксіз таза қалпында болашаққа жеткізу біздің басты борышымыз екенін ұмытпау.

Гүлбахар ЕРКІН,Қызылағаш ауылдық мәдениет үйінің әдіскері.