1 желтоқсан — Қазақстан Республикасының Тұңғыш Президенті мемлекеттік мерекесіне орай, «Қарлығаш» балабақшасында «Құлыншақ» тобымен арнайы апталық өтті. Балабақшамыздың барлық топтарында мерекелік күнге байланысты жылжымалы көрнекілік құралдар, құттықтаулар жасақталды.
Балабақшадағы әдіскер кабинетінде ҚР Президентінің «Біздің тұңғыш Елбасы», «Елім деп соққан жүрегі, Халықтың ұлы перзенті» атты бұрыштар толықтырылып, тәрбиеленушілерге аталған бұрышқа саяхат ұйымдастырылды.
Апталықтың мақсаты — қазақ халқының Тұңғыш Президенті Нұрсұлтан Әбішұлы Назарбаевтың өмір жолы, туып-өскен, оқып білім алған, қызмет еткен жерлері туралы мағлұмат беру, Елбасының өмір жолынан үлгі ала отырып Отанын, халқын сүюге, ержүректілікке азаматтыққа, патриоттық сезімге тәрбиелеу, шәкірт жүрегінде елбасына деген сүйіспеншілік сезімін ояту, құрметтеу;
Көрнекілігі: слайдтар көрсету, үнтаспа, шарлар, суреттер, буклет әзірлеу. «Нұрсұлтан Назарбаев — тұңғыш президент» 1 желтоқсан — Президент күніне орай өткізілген тәрбие сағаты.
Біздің Президентіміз – Нұрсұлтан Әбішұлы Назарбаев Мемлекет басқару ісі – машақатты да, мәртебелі міндет. Басшы басқарған ел – ең бай мемлекет, халқы ең бақытты халық.
Тәуелсіздігімізді алғаннан соң халықтың басын біріктіріп Н.Ә.Назарбаев Тұңғыш Елбасы болды. Елбасының бастауымен менің Отаным әлемге танылды. Елім елдігін көрсетті, ерлігін тантты. Қазақ халқы егемендігін алып, Тәуелсіздікке қол жеткізгенде өз алдымызға ел бола алатындығымызға күмәнданған жандар да болған екен. Бірақ ар-намысты ту еткен Елбасымыз бен үкімет басындағы ел үшін еңбек еткен ағаларымыздың аянбай еңбек етуі осы нұрлы күндерге жеткізді
Жансая КАЛИЕВА,
«Құлыншақ» тобының тәрбиешісі.
Гүлзада ДАУРЕНБЕКОВА,
музыкант.