Бүгінгі таңда сыбай­лас жемқорлық сияқты келеңсіз,жаман әдеттің жо­лын кесіп,жоюға бағытталған көптеген іс — шаралар ұйымдастырылып жүзеге асы­рылып жатыр.

Сыбайлас жемқорлықтың белең алуы азаматтардың конституциялық құқықтарына кері әсерін тигізеді, олардың заң алдындағы тең құқылық принципі бұзылып мемлекеттік билік беделіне елеулі нұқсан келтіреді. Осының негізінде бұл маңызды іске мемлекеттік органдар мен оның лауа­зымды тұлғалары, қоғамдық ұйымдар атсалысуда. Әрбір мемлекеттік мекемелерде және құқық қорғау органдарында сенім телефондары жұмыс жа­сауы керек, өйткені, халыққа қызмет көрсету саласының қызметкерлері мен мемлекеттік қызметкерлер тарапынан сыбай­лас жемқорлық бойынша құқық бұзушылыққа тосқауыл бола­тын және дер кезінде анықтауға жәрдемдесетін мемлекеттік органдардың, тұрғындармен қарым — қатынас жасаудың маңызды құралы болып табы­лады. Әрқайсымыз сыбайлас жемқорлықпен күресейік, сыбай­лас жемқорлыққа қатысты құқық бұзушылықтарды болдырмайық және оның алдын алайық.Біздің әрқайсымыздың тарапымыз­дан сыбайлас жемқорлықты болдырмау барысында белсенді қызмет қажет. Кейбір мемлекеттік қызметкерлердің тарапынан кетіп жатқан сыбай­лас жемқорлықтың көріністерін біз өзіміздің қызметімізде қайталамау және оның алдын алу мақсатында құқықтық на­сихат жұмыстарын жүргізу және оны орындау әрқайсымыздың міндетіміз деп есептеңіздер.

Жемқорлық мемлекетіміздің беделін түсіреді, мемлекет қауіпсіздігіне нұқсан келтіреді, құқықтық мемлекет құрудың қағидаларын бұзады. Ел межесі алдыңғы қатарлы елу елдің қатарына ену. Осындай егемендігіміздің алға қойған мақсатына жетуіне кедергі — ол сыбайлас жемқорлық. Сы­байлас жемқорлықпен күресу баршамызға ортақ міндет.

Нұрдаулет ЖАҚСЫБАЕВ,

аудандық ТЖБ бастығы, азаматтық қорғау подполковнигі.