Электоралды науқанда өңір тұрғындары «NurOtan» партиясына сенім білдірді. Нақты істердің партиясы сайлаушылардың 72,41 пайыз дауысына ие болды.

Біздің ауданымыздағы штаб мүшелері мен үміткерлер аудан орталығынан бастап, шалғайдағы ауылдарға дейін үгіт — насихаттық бағытта бір талай шара жүргізді. Шара­лар барлық ауданымыздағы сайлаушыларды қамтыды. Үміткерлер мен сенімді өкілдер, белсенді жастар бұл науқанда әр үйді аралап, партияның сайлауалды бағдарламасын түсіндіріп, қоғамдық қабылдауда азамат­тардан түскен өтініштерді қарады. Сөйтіп, сайлаушылардың үлкен сеніміне ие болды.

Осындай жұмыстың нәтижесін тағы бір игі шарада көрдік. Еңбегі еленген партияның штаб мүшелері Елбасы, партия Төрағасы Н.Назарбаевтың «Алғыс хатымен» марапаттал­ды. Сайлауалды штаб мүшелерінің атқарған еңбегі өте зор. Маңдай тер мен табан ақының ақталғаны — ол әрбір сайлаушының «NurOtan» партиясына берген дауысы екені сөзсіз.

Жангүл ЕРБОЛАТҚЫЗЫ, «NurOtan» партиясы аудандық филиалының эксперті.