Жетісу облысының прокуроры Мадияр Бекенұлы Басшыбаев 14 қыркүйекте Ақсу ауданына кезекті сапарымен келді.
Іссапарының барысында облыс прокуроры тұрғындармен кездесті. Кездесу барысында тұрғындармен жайылымдық жерлердің жетіспеушілігі, суармалы сумен қамтамасыз ету проблемалары, мал ұрлығы мәселелері көтерілді. Сонымен қатар, тұрғындар облыс прокурорына жергілікті жердегі өздерінің проблемалық мәселелерін көтеріп, оларды шешу жолдары бойынша ұсыныстарын атап өтті.
Сондай-ақ, облыс прокуратурасының бір топ қызметкерлері Ақсу ауданының 13 ауылдық округін аралап шықты: Жансүгіров, Ақсу, Сырттанов, Арасан, Суықсай, Қапал, Есеболатов, Қарасу, Ойтоған, Қарашілік, Қызылағаш, Қаракөз, Жаңалық.
Прокуратура қызметкерлері ауылдық округ тұрғындарымен кездесіп, сұрақтарына мүмкіндігінше ауызша түсініктеме беріп, жазбаша өтініштер алды.
ЖЕТІСУ ОБЛЫСЫНЫҢ ПРОКУРАТУРАСЫ.