Облыс әкімі Қанат Бозым­баев арнайы жұмыс сапа­рымен ауданымызға келіп, ауданда атқарылып жатқан жұмыстармен танысып, тұрғындармен кездесті.

Жиын басталмас бұрын облыс басшысы аудандық «Қобызшы Молықбай Байсақұлы» атындағы мәдениет үйінің залын­да орналасқан ауданның әлеуметтік — экономикалық өсу деңгейін көрсететін көрмені аралап өтті. Ауданның жетістіктері мен даму деңгейі жайлы көрмені аудан әкімі Есім Сейілханұлы таныстырды.

Ең алдымен аймақ бас­шысы Алматы облысының әлеуметтік экономикалық дамуы, атқарылып жатқан келелі жұмыстар мен алдағы жоспарды баяндады.

Ақсу ауданының облыс экономикасының дамуы­на тигізіп жатқан үлесі көп екенін де тілге тиек етіп, өңірде осы жылы атқарылатын ауқымды ша­руалар жайлы сөз қозғады.

Тұрғындармен кез­десу барысында облыс әкімі аудандағы өзекті мәселелерге де баса назар аударды. Тиісті мамандар­дан сол мәселелердің шешу жолдарын сұрады.

Жиын барысында халықты толғандыратын әлеуметтік мәселелерге баса назар аударылды. Ау­дан тұрғындары аймақ бас­шысына көкейінде жүрген сауалдарын қойды.

Облыс әкімі көтерілген өзекті мәселелер шешімін табатындығын ай­тып, тұрғындар қойған сауалдардың әр қайсысына жеке — жеке тоқталып, орын­басарлары, аудан әкімі мен жауапты мамандарға нақты тапсырма берді.

Жиын соңында тұрғын- дарды жеке — жеке қабылдады.

Ләззат ҚАСЫМБЕКОВА.