Биыл біздің Тәуелсіздігімізге 30 жыл толып отыр. Бұл — ата- бабаларымыз аңсаған қазақ мемлекеттілігін, бостандығын нығайтудағы маңызды кезең. Қазіргі Қазақстан — тұрақты экономикасы және болашаққа ұтымды жоспары бар тәуелсіз, егемен, демократиялық мем­лекет. Бүгінде Қазақстан өзін, өзінің құқықтары мен мақсаттарын батыл мәлімдейді. Тәуелсіздік алғаннан кейін экономика, ғылым, мәдениет дами бастады. Әрине, елімізге өз мемлекетін «құруды» ба­стау, дағдарыстан шығу, жұмыссыздықты еңсеру оңай болған жоқ, бірақ біз осы қиындықтардан өттік. Біз аяққа тұрдық, енді біздің еліміз алға жылжуды жалғастыруда. Тәуелсіздік жылдарында біз аз жасаған жоқпыз: мықты мемлекет құрдық, ең серпінді экономикалардың бірін құрдық, адамдардың өмір сүру деңгейін жақсарттық.

«Бір ел – бір тағдыр» қағидатына негізделген Қазақстан халқының келісімі мен бірлігі Тұңғыш Прези­дент Нұрсұлтан Назарбаев саясатының іргетасына ай­налды. Тәуелсіздік жылдарын­да Қазақстан экономикалық дамуда, азаматтарымыздың өмір сүру деңгейін артты­руда, демократияның берік негіздерін қалауда айтарлықтай табыстарға қол жеткізді. Мем­лекет басшысы баршамыз­ды Қазақстанның ұлттық рухын – салт-дәстүр, патрио­тизм, жаңару мен жеңіс рухын нығайтуға шақырады. Оның «Тарих толқынында» атты кітабында: «Егер біз мемле­кет болып, мемлекеттілікті ұзақ уақыт құрғымыз келсе, онда халық руханиятының бас- тауын түсіну маңызды…»,-деп жазылған.

Болашақ — 2050 жыл, біз оған сенеміз және күн сайын жаңа бір қадам басудамыз. Отыз жылдың ішінде Қазақстан еркін елге ай­налды. Қазақстанда тұратын әрбір ұлт өз ана тілінде сөйлеуге, мәдениеті мен дәстүрін дамытуға құқылы.

Елімізде қуаныш пен үміт ұялататын жақсы өзгерістер болып жатыр. Демократиялық негізде халық алғаш рет президентті сайлады. Конститу­ция қабылданды. Қазақстанды әлемнің жүзден астам елі мойын­дады. Ол бірқатар халықаралық ұйымдардың мүшесі бол­ды. Қазақ тілі мемлекеттік тіл мәртебесіне ие болды. Республи­ка Парламенті жаңа мемлекеттік рәміздерді қабылдады: Елтаңба, Әнұран және Ту.

Біздің Елтаңбамыз – бұл әлем тұтастығының және мемлекет- отбасы түпдерегінің симво­лы, бұл қанатты арман мен шығармашылық қиял ұшуының бейнесі, бұл – мемлекеттің жол­басшы жұлдызы.

Біздің туымыз — бұл көгілдір бұлтсыз аспан — Қазақстанның барлық халықтарының бірлігінің символы. Бұл елдің өмірі мен дамуының символы. Бұл көпұлтты егемен мемлекеттің мақтаныш, еркіндік сүйгіш ру­хын құрметтейтін, барлық до­стас халықтар мен ұлттарға өз құшағын ашуға дайын дала халқының жанының кеңдігінің символы.

Біздің әнұранымыз — қазақ халқының бүкіл өмірін бейнелейтін салтанатты ән. Онда ол өзінің бүкіл тарихын­да бастан кешкен қиындықтар, тәуелсіздік үшін ерлік күресі туралы айтылады. Онда бейбітшілік пен достықты, бақытты болашаққа деген сенімді жариялаған халықтың ұлылығы естіледі. Отан — ең маңызды, ең қымбат сөз.

Өткен ұмытуды сұрамайды, ал қазіргі уақыт ажыратуды сұрамайды. Әлем картасын­да Қазақстан Республикасы қалай пайда болғанын және оның азаматтары екенімізді бәріміз бірге есте сақтайық. Қазақстанның болашағы біздің қолымызда. Егер әрқайсымыз өз еңбегіміз бен жанымыздың бір бөлігін туған елімізге берсек, біздің Республика әлемдегі бай державалардың біріне айнала­ды! Тәуелсіздікке қол жеткізу- бұл ел дамуының бастапқы кезеңі ғана. Біз болашақ үшін өмір сүріп, мықты мемлекет жасауымыз керек. Тек осылай ғана біз әкелер мен аталар ұрпағының біз үшін жасаған барлық істерін сақтаймыз. Біз мақтан тұтатын нәрсе бар. Біз- Тәуелсіз Қазақстанның бақытты ұрпағымыз!

Назым НҰРТАЙҚЫЗЫ.