Жуырда аудан әкімшілігінің үлкен мәжіліс залында алтыншы сайланған Ақсу аудандық мәслихатының кезекті 23-ші сессия өтті.

Сессияда ауданның 2018-2020 жылдарға арналған бюджеті, Ақсу, Есеболатов, Жансүгіров, Қапал, Қарашілік, Қызылағаш, Матай ауылдық округтерінің 2018-2020 жылдарға арналған бюджеті туралы, аудандық экономика және бюджетті жоспарлау бөлімінің басшысы Г.Жандосова баяндады және аудандық мәслихаттың бюджет, әлеуметтік – мәдениет салалары, жастар саясаты, заңдылық және құқық қорғау мәселелері жөніндегі тұрақты комиссия төрағасы Т.Баулыбаев, Жансүгіров ауылдық округінің жергілікті қоғамдастықтың төрағасы С.Алдабергеновтер қосымша хабарлама жасады.
Көрнекті мәдениет және қоғам қайраткері, ақын І.Жансүгіровтың 125 жылдық мерейтойына дайындық және оны өткізу жөніндегі іс-шаралар жоспары мен ұйымдастыру комиссиясының құрамын бекіту туралы аудан әкімінің орынбасары А.Сабырбаев, Ілияс Жансүгіров атындағы Жетісу мемлекеттік университетінің профессоры, филология ғылымдарының докторы М.Иманғазинов, І.Жансүгіров атындағы әдеби музейінің меңгерушісі Н.Қ.Жауынбаевалар баяндама жасады.
«Ақсу аудандық мәслихатының хатшысы Б.Сүлейменовтың 2017 жылы мәслихаттың қызметін ұйымдастыру жөніндегі атқарған жұмысы жайлы есебі»тыңдалды. Соңында Ақсу ауданының әкімдігі, Жетісу мемлекеттік университеті және І.Жансүгіров атындағы әдеби музейі арасында Үшжақты меморандумға қол қойылды.
Кенжебек ӘКІМБЕК.