Аудандық әкімдіктің үлкен мәжіліс залында аудандық Қоғамдық кеңес отырысы өтті. Оған округ әкімдері, ме­кеме басшылары, аудандық мәслихат депутаттары, ақсақалдар алқасы, «AMANAT» партиясының аудандық фи­лиалы, округтердегі қоғамдық қауымдастықтардың төрағалары мен мүшелері және БАҚ өкілдері қатысты.

Отырыстың модераторы кеңес төрағасы Ғ.Мұсабаланов болды.

Ойтоған және Қапал ауылдық округтерінің әкімдері В.Берікова мен Ж.Жарылқасын өздерінің құзыреттері мен функцияла­рын орындалуы туралы және мемлекеттік қызметтер көрсету бойынша есеп берді.

Артынша жергілікті полиция қызметінің басшысы А.Қабаев атқарылған жұмыстар легімен таныстырды.

Аудандық іскер әйелдер кеңесінің төрайымы, Жансүгіров ауылдық округінің қауымдастық мүшесі Бағлан Нарышева аудандық Қоғамдық кеңестің келесі отырысы алдында ау­ылдарды аралап, ауылдағы мәселелерді өзіміз анықтап, осы арада соларды шешудің жолдарын қарастырғанымыз дұрыс. Әйтпесе «Күлтөбенің басында күнде жиын…» Бұдан қандай нәтиже шығар екен? дейтін әңгіме ғана шығады де­ген ұсынысын айтты.

Жиын соңында қоғамдық кеңес шешімі шығарылып, ауыл әкімдеріне бірқатар тапсыр­малар берілді. Ал, шешімнің орындалуын бақылау аудандық мәслихаттың тұрақты комиссия-ларына жүктелді.