2017 жылдың басты жетістігі Ақсу алыбы «Ақсу қант зауытының» бірнеше жылдан кейін қайта іске қосылуы болды. Жаңа жыл мерекесі қарсаңында қант зауытының бұрынғы мәдениет үйінде, яғни «Ақын Сара» мәдени жастар орталығында қант зауыты жұмысының аяқталуына байланысты қорытынды жиыны өтіп, аудан әкімі Әділбек Далбағаев құттықтау сөз сөйлеп,  зауыттың қайта жөндеу жұмыстарының басы қасында болған Юшков Владимир Дмитриевичтің кеудесіне 2017 жылғы 5 желтоқсандағы Елбасы Жарлығы бойынша «Ерен еңбегі үшін» медалін тақты.