ӘДІЛЕТТІ ҚАЗАҚСТАН ҚҰРУ – ОРТАҚ МІНДЕТ

2022 жылдың 26 қарашасы күні Қазақстан Президенті болып қайта сайланған Қасым-Жомарт Тоқаевты салтанатты ұлықтау рәсіміне Ақсу аудандық Халықтық коалиция қоғамдық штабы аты­нан «AMANAT» партиясы Ақсу аудандық филиалының атқарушы хатшысы, штаб жетекшісі мен өзім және аудандық мәдениет үйінің режиссері, штаб мүшесі А.Елубаева екеуміз тари­хи шараға қатысып, кере­мет әсер алдық. Президент байқаушылардың, сарапшы­лар мен журналистердің берген бағасы негізінде сайлау әділ әрі ашық өткендігін атап өтті.

Сайлауға қатысқан барша жұртқа ризашылығын білдіріп президенттікке ортақ кандидат ретінде ұсынған халық коали­циясы мүшелеріне рахметімн білдірді, өзінің дауыс берген азаматтардың ғана емес, бүкіл Қазақстан халқының алдын­да есеп беретіндігін мәлімдеді. Қазақта «Байлық не керек, адал­дан жимасаң, билік не керек, әділдік құрмасаң»,-деген сөз бар. Бұл – бұлжытпайұстанатын өмірлік қағидатым – деді. Баршамыздың ортақ мақсатымыз – заң мен тәртіп үстемдік құратын, азаматтардың құқығына лайықты құрмет көрсетілетін Әділетті Қазақстанды құру. Қоғамды транс­формациялап, Қазақстанды шы­найы демократиялық институтта­ры дамыған елге айналдыру үшін ауқымды жұмыс атқару керектігін тоқталды. Сонда ғана ұлттың жаңа сапасын қалыптастырып, қастерлі тәуелсіздігімізді нығайтамыз.

Алдағы жеті жылда атқарылатын шараларды және оларды шешу жолын ұсынды. Бірнеше Жарлыққа қол қойды. Соның ең біріншісі ауылды да­мыту мәселесі Үкіметке ауылды дамытудың 5 жылға арналған нақты жоспарын әзірлеуді тап­сырды. Алдыға қойған мақсат – міндеттерді бірлесе жүзеге асыруға шақырды. Еліміздің дамуы өз қолымызда екендігін ұмытпай, адал еңбек етіп, Әділетті Қазақстанды бірге құрайық!

К.ДӘУЛЕТБЕКОВА,

«AMANAT» партиясы Ақсу аудандық филиалының атқарушы хатшысы.

Мәліметпен бөлісу: