Біз заңсыз жекешелендірілген кәсіпорындарды мемлекетке қайтаруды талап етеміз. Мемлекеттің меншігі «ұстағанның қолында, тістегеннің аузында» кетпеуі керек. Негізгі инфрақұрылымдық салалар мен стратегиялық маңызды кәсіпорындарды мемлекет меншігіне қайтару қажет. Біз – барлық сала бойынша шетелдік инвесторлармен жасалған келісім-шарттардың қайта қаралуын және ашық ресімделуін талап етеміз! Қазақстан Халық партиясы халықтық акционерлендіруді қолдайды және «Самұрық-Қазына» ұлттық әл-ауқат қоры» АҚ-ның акцияларын еліміздің әрбір азаматына беру қажет деп санайды.