Ақсу ауданында «Казпочта» акционерлік қоғамының еңбек ұжымымен «Конституциялық реформа» тақырыбында ақпараттық-түсіндіру кездесуі өтті.

Кездесудің мақсаты – елімізде жүзеге асырылып жатқан конституциялық реформалардың негізгі бағыттарын түсіндіру, олардың қоғам дамуына, азаматтардың құқықтары мен бостандықтарын кеңейтуге және заң үстемдігін нығайтуға тигізер ықпалын талқылау болды.

Кездесуге Құрманғалиева Алма Жанатбекқызы – AMANAT партиясы Ақсу аудандық филиалының төрағасы, Сымханов Ербол – Ақсу өңірі газеті аудандық «Ақсу өңірі» газетінің жауапты хатшысы, Тлеубергенов Балғын Айдарқызы – Aqsy jastary жетекшісі қатысты.

Шара барысында спикерлер реформалардың ел болашағы үшін маңыздылығына тоқталып, еңбек ұжымы тарапынан қойылған сұрақтарға жауап берді. Кездесу ашық диалог форматында өтіп, қатысушылар тарапынан қолдау тапты.