САЙЛАУАЛДЫ
БАҒДАРЛАМА
Ақсу аудандық мәслихаты депутаттығына № 1 бірмандатты сайлау округі бойынша кандидат
ЕСЕНОВ
МҰРАТ
СМАҒҰЛҰЛЫ
Құрметті сайлаушылар!
Мен, Есенов Мұрат Смағұлұлы, 1966 жылғы 16 тамызда Талдықорған облысы Ақсу ауданының Еңбек ауылында дүниеге келдім. Қазіргі уақытта Жетісу облысы Ақсу ауданының Еңбек ауылында тұрамын.
1988 жылы Талдықорған зооветеринариялық техникумын «Ветеринариялық дәрігер» мамандығы бойынша тәмамдадым.
Еңбек жолымды 1988 жылы Ақсу ауданының Еңбек ауылында ветеринариялық санитар болып бастадым. 1988–1991 жылдары осы қызметті атқардым. 1991–1993 жылдары Кеңжыра ауылында ветеринариялық техник болып жұмыс істедім. 1993–1996 жылдары Еңбек ауылында әртүрлі жұмыстар атқарып, 1996–1998 жылдары ауыл шаруашылығы кооперативінде жұмысшы болдым.
1998–2004 жылдары «Есенов Мұрат» шаруа қожалығын басқардым. 2005–2007 жылдары Қарасу ауылдық округінде келісімшарт негізінде ветеринариялық фельдшер болып қызмет атқардым. 2007–2009 жылдары «Есенов Мұрат» шаруа қожалығының жетекшісі болдым.
2010–2014 жылдары Қарасу ауылдық округі әкімінің аппаратында бас маман – ветеринариялық дәрігер қызметін атқардым. 2014 жылғы маусым айынан бастап қазіргі уақытқа дейін «Қарасу ауылдық округі әкімінің аппараты» мемлекеттік мекемесінде бас маман болып жұмыс істеймін.
Көпжылдық еңбек тәжірибем ауыл шаруашылығы, ветеринария, кәсіпкерлік және жергілікті басқару салаларын қамтиды. Ауылдық жерде еңбек етіп, шаруашылық жүргізу мен мемлекеттік қызметтің ерекшеліктерін меңгердім. Бұл тәжірибе ауыл тұрғындарының тұрмыс-тіршілігін, шаруалардың мәселелерін және елді мекендердің қажеттіліктерін терең түсінуге мүмкіндік берді.
2026–2031 ЖЫЛДАРҒА АРНАЛҒАН САЙЛАУАЛДЫ БАҒДАРЛАМА
ҚҰРМЕТТІ ЖЕРЛЕСТЕР!
Аудандық мәслихат депутаттығына кандидат ретінде менің басты мақсатым – тұрғындардың мүддесін қорғау, ауылдық елді мекендердің дамуына ықпал ету, ауыл шаруашылығын қолдау және халықтың әл-ауқатын арттыру.
Өмірлік және еңбек тәжірибем ауылдың тыныс-тіршілігін, шаруалардың күнделікті еңбегін және тұрғындарды толғандыратын мәселелерді жақсы түсінуге мүмкіндік берді. Ауылдың өркендеуі үшін инфрақұрылымды дамыту, халықты әлеуметтік қолдау, кәсіпкерлікті ынталандыру және бюджет қаражатын тиімді пайдалану маңызды деп есептеймін.
Депутаттық қызметті халық алдындағы үлкен жауапкершілік деп қабылдаймын. Сондықтан тұрғындардың ұсыныстары мен өтініштеріне назар аударып, өзекті мәселелерді аудандық мәслихат деңгейінде көтеруге және олардың шешілуіне ықпал етуге күш саламын.
Осы мақсатта 2026–2031 жылдары төмендегі бағыттарға басымдық беремін.
— №1 бірмандаттық сайлау округіне қарасты елді мекендердің әлеуметтік-экономикалық дамуына қатысты өзекті мәселелерді көтеру;
— ауылдардың қажеттілігіне сай әлеуметтік және инфрақұрылымдық жобалардың жүзеге асырылуына ықпал ету;
— шаруалардың мемлекеттік қолдау бағдарламаларына, субсидиялар мен жеңілдетілген қаржыландыру тетіктеріне қол жеткізуіне ықпал ету;
— жайылымдық жерлерді тиімді пайдалану, мал суару және ауыл шаруашылығына қажетті инфрақұрылымды дамыту мәселелерін назарда ұстау;
— ветеринариялық қауіпсіздікті қамтамасыз ету, мал ауруларының алдын алу және ветеринариялық қызметтердің қолжетімділігін арттыру бағытындағы бастамаларды қолдау;
— ауыл тұрғындарының табысын арттыруға және ауылдық жерлерде жаңа жұмыс орындарын ашуға бағытталған жобаларды қолдау.
— мемлекеттік бағдарламалар мен жергілікті жобаларға бөлінген бюджет қаражатының тиімді әрі мақсатты пайдаланылуына бақылау жасауға атсалысу;
— бюджет қаражаты есебінен жүзеге асырылатын жобалардың тұрғындар үшін нақты нәтиже беруіне бағытталған ұсыныстар енгізу;
— аз қамтылған және көпбалалы отбасылардың әлеуметтік қорғалуына ықпал ету;
— мүмкіндігі шектеулі азаматтардың құқықтары мен мүдделерін қорғауға, қажетті әлеуметтік қолдауға қол жеткізуіне атсалысу;
— ауыл тұрғындарының жеке кәсібін ашуына және шаруашылық қызметін кеңейтуіне мүмкіндік беретін бағдарламалар туралы ақпараттың қолжетімді болуына атсалысу;
— ауыл экономикасын нығайтуға және тұрғындардың табыс көздерін арттыруға бағытталған жобаларды қолдау.
— тұрғындардың экологиялық мәдениетін арттыруға және ортақ аумақтарды күтіп ұстауға бағытталған қоғамдық жұмыстарды қолдау.
— тұрғындарға атқарылған жұмыстар мен мәселелердің шешілу барысы туралы жүйелі түрде ақпарат беріп отыру;
— халықтың өтініштеріне жауапкершілікпен қарап, әрбір мәселенің заң аясында шешілу жолдарын қарастыру.
Мен үшін туған жерге қызмет ету – үлкен жауапкершілік әрі азаматтық міндет. Жинақтаған еңбек тәжірибемді, ауыл шаруашылығы мен ветеринария саласындағы білімімді және жергілікті басқару бағытындағы тәжірибемді ауданымыздың дамуына жұмсауға дайынмын.
Халықтың сенімі сөзбен емес, нақты іспен ақталуы тиіс. Сондықтан тұрғындардың мұң-мұқтажын тыңдап, өзекті мәселелерді назардан тыс қалдырмай, олардың шешілуіне ықпал етуге басымдық беремін. Әрбір бастаманың нәтижелі болуына, ауыл тұрғындарының пікірлері мен қажеттіліктерінің ескерілуіне күш саламын.
ҚҰРМЕТТІ ЖЕРЛЕСТЕР!
Ауылдың дамуы – елдің дамуы. Шаруалардың еңбегін қолдау, әлеуметтік мәселелерді шешу, инфрақұрылымды жақсарту және тұрғындардың әл-ауқатын арттыру – ортақ мақсатымыз.
Сіздердің сенімдеріңізді ақтап, ел игілігі үшін адал еңбек етуге дайынмын. Бірлігімізді нығайтып, ауылдарымыздың өркендеуі мен келешек ұрпақтың жарқын болашағы үшін бірге жұмыс істейік!Бірлігіміз бекем, болашағымыз жарқын болсын!
ҚҰРМЕТТІ ЖЕРЛЕСТЕР!
Ауданымыздың дамуы мен тұрғындардың тұрмыс сапасын арттыру – ортақ міндетіміз.
Аудандық мәслихат депутаты ретінде ауылдарымыздың өзекті мәселелерін көтеруге, тұрғындардың мүддесін қорғауға және елді мекендердің әлеуметтік-экономикалық дамуына ықпал етуге басымдық беремін.
Менің басты ұстанымым – әділдік, ашықтық, жауапкершілік және нақты іс. Сіздердің өтініштеріңіз бен ұсыныстарыңызға әрдайым ашықпын. Халықпен тұрақты байланыста болып, көтерілген мәселелердің шешілуіне ықпал етуге дайынмын.
Сайлауға келіңіздер! Маған дауыс беріңіздер!
Дайындаған: Qprint Мекен-жайы: Жібек жолы, 46
Басып шығарылған: 200
Таралымы 200 дана.
Тапсырыс беруші: Есенов Мұрат Смағұлұлы
Ақсу аудандық мәслихаты депутаттығына кандидаттың сайлау қоры қаражаты есебінен төленді