Ақсу ауданы, Ақсу ауылындағы дене шынықтыру-сауықтыру кешенінде республикалық референдумның қорытындыларын талқылауға арналған кездесу ұйымдастырылды. Жиынға мәслихат депутаттары, спорт саласының өкілдері, жаттықтырушылар, сондай-ақ сала мамандары қатысты.

Кездесу барысында республикалық референдумның елдің қоғамдық-саяси өміріндегі маңызы мен оның нәтижелері кеңінен талқыланды. Спорт саласы өкілдері ел болашағына қатысты маңызды шешімдер қабылданған кезеңде азаматтардың белсенділігі мен жауапкершілігі ерекше маңызға ие екенін атап өтті.

Жиында референдум нәтижелері Қазақстанның одан әрі дамуына, қоғамдағы тұрақтылық пен бірлікті нығайтуға бағытталған маңызды қадамдардың бірі екені айтылды. Қатысушылар мемлекетте жүргізіліп жатқан реформалардың мәні мен маңызын талқылап, олардың елдің әлеуметтік-экономикалық дамуына оң ықпал ететінін жеткізді.

Сонымен қатар спорт саласының қоғам өміріндегі орны мен маңызы да сөз болды. Спорт тек денсаулықты нығайтудың ғана емес, жастарды тәрбиелеудің, патриоттық рухты қалыптастырудың маңызды құралы екені атап өтілді. Осы ретте спорт саласының қызметкерлері жастарды белсенді өмір салтын ұстануға шақырып, ел болашағы үшін жауапкершілік сезімін қалыптастырудың маңыздылығын айтты.

Кездесу барысында қатысушылар өз ой-пікірлерімен бөлісіп, пікір алмасу алаңында түрлі ұсыныстар мен бастамалар көтерілді. Ашық диалог форматында өткен жиында қойылған сұрақтарға жауап беріліп, қатысушылар референдум нәтижелеріне қатысты көзқарастарын білдірді.

Іс-шара соңында қатысушылар қоғамдағы тұрақтылық пен келісімді сақтау – әрбір азаматтың ортақ міндеті екенін атап өтіп, ел дамуына бағытталған бастамаларды қолдайтындықтарын жеткізді.